INFERNO
CHURROS

Bakit Naiiba ang Inferno Churros?

Ang aming Unique Selling Proposition (USP) at bakit dapat itong bilhin

Pamamaraan sa Paggawa ng Spicy Cheese Churros

Ang proseso ng produksyon, hakbang-hakbang

1. Ihanda muna ang lahat ng sangkap at kagamitang kailangan sa paggawa ng Spicy Cheese Churros.
2. Painitin ang kawali sa katamtamang apoy, ilagay ang mantikilya, at ibuhos ang tamang dami ng tubig. Pakuluan ang timpla.
3. Ilagay ang mga tuyong sangkap, kasama ang harina at asukal, sa kumukulong tubig. Patayin ang apoy pagkatapos ilagay ang mga tuyong sangkap, saka haluing mabuti hanggang maging masa.
4. Idagdag ang vanilla extract at haluing mabuti. Masahin ang masa hanggang maghalo ang lahat ng sangkap at makuha ang nais na lapot.
5. Palamigin muna nang bahagya ang masa bago ilagay ang itlog. Haluin hanggang pantay ang pagkakahalo, saka ilipat sa piping bag na may star-shaped nozzle. I-pipe ang masa sa nais na hugis ng churros.
6. Magpainit ng mantika sa kawali. Maingat na ilagay ang mga hinubog na churros sa mainit na mantika at iprito hanggang maging golden brown.
7. Kapag bahagyang lumamig na ang churros, lagyan ng keso ang loob nito gamit ang syringe bilang panlagay ng filling.
8. Sa hiwalay na mangkok, paghaluin ang brown sugar at ground cayenne powder para sa maanghang na balot. Igulong ang may lamang churros sa timpla hanggang mabalutan nang pantay.
9. Panghuli, ilagay ang natapos na Spicy Cheese Churros sa angkop na packaging at ihain.

Ang Aming Koponan

Maikling tala (bionote) ng mga miyembro ng SiKaya

Faith Andrea Aldeguer

Marketing Staff

Si Faith Andrea Aldeguer ay isang mag-aaral ng San Pablo Colleges sa ilalim ng strand na Accountancy, Business, and Management (ABM). Isa siyang masipag at responsableng mag-aaral na patuloy na nagpapaunlad ng kaniyang kaalaman at kakayahan sa larangan ng negosyo at pamamahala. Noong Grade 11, nagsilbi siya bilang Chief Executive Officer (CEO) ng kanilang merchandising product, kung saan nahasa ang kaniyang kakayahan sa pamumuno at pagnenegosyo. May karanasan din siya sa pagtitinda noong Grade 10 at sa pagluluto mula Grade 8 hanggang Grade 10. Naging honor student siya mula elementarya hanggang Senior High School, na nagpapakita ng kaniyang dedikasyon sa pag-aaral. Naniniwala siyang ang kaniyang mga karanasan ay magsisilbing gabay upang maabot ang kaniyang mga mithiin sa larangan ng negosyo at propesyonal na pag-unlad.

Lycka Pauleen Bagsic

Marketing Manager

Si Lycka Pauleen L. Bagsic ay isang masikap at malikhaing mag-aaral ng San Pablo Colleges sa strand na Accountancy, Business, and Management (ABM). Isa siyang honor student mula elementarya hanggang senior high school. Bukod sa kahusayan sa akademiko, mahilig siya sa sining at pag-eedit, na nagpapakita ng kaniyang malawak na imahinasyon. Noong Grade 11, nagsilbi siyang Chief Executive Officer (CEO) sa kanilang produkto para sa asignaturang Organization and Management. Sa kasalukuyan, ginagampanan niya ang tungkulin bilang Marketing Manager sa kanilang Entrepreneurship subject, kung saan patuloy niyang pinauunlad ang kaniyang kakayahan sa marketing. May karanasan din siya sa pagluluto at food plating noong Grade 8 hanggang Grade 10. Sa bawat karanasan, patuloy niyang hinuhubog ang sarili upang maging handa sa mga oportunidad sa hinaharap.

Ashley Shine Basbas

Operating Staff

Si Ashley Shine Basbas ay isang masipag at malikhaing mag-aaral sa San Pablo Colleges na may karanasan sa larangan ng entrepreneurship at negosyo. Naging pangulo siya ng Entrepreneurship Organization noong junior high school sa San Vicente Integrated High School, kung saan nahasa ang kaniyang kakayahan sa pamumuno. Nagkaroon din siya ng sariling flower business at naging CEO ng isang merchandising business noong Grade 11, na nagbigay sa kaniya ng karanasan sa pagbebenta ng mga produkto at pamamahala ng negosyo. Bukod dito, kumuha siya ng mga cooking class noong Grade 8, Grade 9, at Grade 10 upang mapaunlad ang kaniyang kasanayan sa pagluluto. Ang mga karanasang ito ay nakatulong sa paghubog ng kaniyang kakayahan sa pamumuno, pagnenegosyo, at pamamahala.

John Santino Diangkinay

Marketing Staff

Si John Santino Diangkinay ay isang mag-aaral sa San Pablo Colleges na may interes sa larangan ng pagnenegosyo at pamamahala ng negosyo. Mayroon siyang karanasan sa pagpapatakbo ng maliit na negosyo noong Grade 11 na nakatulong upang malinang ang kaniyang kaalaman sa mga pangunahing gawain sa negosyo at sa pakikitungo sa mga mamimili. Sa pamamagitan ng mga karanasang ito, patuloy niyang pinauunlad ang kaniyang kakayahan sa komunikasyon at paglutas ng problema. Bilang isang masipag na mag-aaral na nagnanais maging matagumpay na negosyante, determinado siyang matuto, magkaroon ng karagdagang karanasan, at gamitin ang kaniyang mga kakayahan upang makamit ang kaniyang mga layunin sa hinaharap.

Jamica Mae Dimayuga

Operating Staff

Si Jamica Mae M. Dimayuga ay kasalukuyang nag-aaral sa San Pablo Colleges sa ilalim ng Accountancy, Business, and Management (ABM) strand. Napanatili niya ang pagiging honor student mula Grade 7 hanggang Senior High School. Mayroon din siyang karanasan sa pagnenegosyo, kabilang ang pagbebenta ng mga produkto sa pamamagitan ng social media at pakikilahok sa pagbebenta ng mga produktong ginawa ng kanilang grupo noong Grade 11 at Grade 12. Dito, nagkaroon siya ng kaalaman sa pag-aalok ng produkto, pakikitungo sa mga mamimili, at pagtutulungan sa pagbuo ng negosyo. Bukod dito, kumuha rin siya ng mga klase sa pagluluto noong Grade 9 at Grade 10 at lumahok sa paligsahan sa pagluluto noong Grade 10, na nakatulong sa paghubog ng kaniyang pagkamalikhain at kasanayan.

Ericka Chloie Gapaz

Assistant Finance

Si Ericka Chloie Gapaz ay mag-aaral sa San Pablo Colleges, baitang 12, sa strand na Accountancy, Business, and Management (ABM). Kilala siya sa pagiging masipag at mahusay sa pag-aaral. Naging “Academic Achiever” siya noong Baitang 7, 8, at 10, at naging “Honor Student” rin sa Baitang 10. Bukod sa kaniyang mga tagumpay sa akademya, nahasa rin niya ang kaniyang pagkamalikhain at tiyaga bilang mananahi o “dressmaker” noong Baitang 9 at 10. Noong Baitang 11, naging bahagi siya ng isang gawaing pangmerchandising bilang Financial Staff, kung saan nagkaroon siya ng karanasan sa paghawak at pagsubaybay sa pananalapi ng kanilang grupo. Ipinagpapatuloy niya ang tungkuling ito ngayong Baitang 12. Hangad niyang paunlarin ang kaniyang kaalaman sa negosyo, pananalapi, at paggawa ng damit.

Margarette Jaron

Operating Staff

Si Margarette P. Jaron ay isang mag-aaral sa San Pablo Colleges na may interes sa larangan ng pagnenegosyo at pamamahala ng negosyo. Siya ay isang academic achiever mula elementarya hanggang senior high school, na nagpapakita ng kaniyang kasipagan, dedikasyon, at pagsusumikap sa pag-aaral. Noong Grade 8, nagkaroon siya ng karanasan sa pagnenegosyo sa pamamagitan ng pagbebenta ng mga resin keychain, na nakatulong upang malinang ang kaniyang kaalaman sa mga pangunahing gawain sa negosyo at pakikitungo sa mga mamimili. Natutuhan niya ang kahalagahan ng pagkamalikhain, komunikasyon, at responsibilidad sa pagpapatakbo ng negosyo. Bilang isang masipag at determinadong mag-aaral, patuloy niyang pinauunlad ang kaniyang mga kakayahan upang maging matagumpay sa larangan ng pagnenegosyo sa hinaharap.

Justine Jharred Javier

Chief Executive Officer

Si Justine Jharred Javier ay isang mag-aaral sa Baitang 12 na kumukuha ng strand na Accountancy, Business, and Management (ABM). Isa siya sa mga mag-aaral na patuloy na nagsisikap upang makamit ang kaniyang mga pangarap. Simula pa noong elementarya, naging consistent honor student siya, na nagpapakita ng kaniyang dedikasyon, kasipagan, at pagpapahalaga sa edukasyon. Kilala siya bilang masayahin, palakaibigan, at matulunging indibidwal na laging handang magbahagi ng positibong enerhiya sa mga taong nakapaligid sa kaniya. Taglay rin niya ang pagiging malikhain, matiyaga, at matatag sa pagharap sa mga hamon. Mahilig siyang makisalamuha at makipagtulungan sa mga gawaing makatutulong sa kapwa. Sa pamamagitan ng kaniyang mga karanasan at patuloy na pagsisikap, hangad niyang malinang ang kaniyang kakayahan at magkaroon ng positibong ambag sa lipunan.

Aira Mira Martinez

Finance Manager

Si Aira Mira H. Martinez ay kasalukuyang nasa ika-12 baitang at nag-aaral sa San Pablo Colleges sa ilalim ng strand na Accountancy, Business, and Management (ABM). Isa siyang consistent honor student mula elementarya at junior high school hanggang Grade 11. Napaunlad niya ang kaniyang praktikal na kaalaman sa negosyo sa pamamagitan ng karanasan sa merchandising noong Grade 11, na nagbigay sa kaniya ng inspirasyon upang magpatakbo ng sariling negosyo sa graham float at printing service. Sa pamamagitan ng pinagsamang sipag sa pag-aaral at diskarte sa negosyo, patuloy niyang pinapaunlad ang kaniyang kakayahan at kaalaman patungkol sa larangan ng pagnenegosyo upang maging handa sa mga oportunidad sa hinaharap.

Axel Villamayor

Operating Manager

Si Axel R. Villamayor ay isang mag-aaral ng San Pablo Colleges na kasalukuyang nasa ika-labindalawang baitang. Siya ay may matinding pagmamahal sa pagluluto kaya simula elementarya pa lamang ay sumasali na siya sa mga paligsahan tulad ng cook-offs. Ngayong ika-labindalawang baitang, nagkamit siya ng parangal bilang Second Runner-Up sa Inter-Strand Cook Off para sa Buwan ng Nutrisyon sa San Pablo Colleges. Noong ika-labing-isang baitang naman, nagkamit siya ng ilang parangal sa Business Pitching, kabilang ang pagiging kampeon sa LPU Laguna. Lumaban din siya sa NU Lipa para sa Business Pitching, na nagpapakita ng kaniyang dedikasyon sa pagharap sa mga hamon. Si Axel Villamayor ay isang mag-aaral na handang sumubok ng mga bagong karanasan upang patuloy na hubugin ang kaniyang sarili.